士，今晚作客奧脫福挑戰冠軍曼聯，雖然睇落形勢危危乎，但查實紅魔捧盃後似乎放軟手腳，當選4月最佳球員嘅尹佩斯又未必踢足，車？

　　車士今季只剩低4場聯賽要踢，不過就場場硬仗，今晚先作客曼聯，之後就要同熱刺上演「搶4關鍵戰」，跟住作客要搶分護級嘅阿士東維拉，煞科日再鬥前列分子愛華頓，如果下季無得踢歐聯嘅話，莫連奴都唔知返唔返嚟好。

　　其實車士近期英超表現唔差，近4場有3勝1和，肥賓仲做埋4月最佳領隊，當中阿占最有好感係巴西國腳大衞雷斯，賓尼迪斯將呢位爆炸頭中堅改造成防守中場效果顯著，防守依舊煞食之餘，仲頻頻有入波，啱啱歐霸盃仲射入世界波，絕對係曼聯心腹大患。

　　曼聯提前捧盃後，上輪作客阿仙奴表現其實一般，只係靠一個12碼逼和兵工廠，領隊費格遜亦暗示過會喺剩低嘅比賽用多啲唔同球員，等所有人都可以增強「冠軍一分子」嘅感覺，換言之剛當選4月最佳球員嘅尹佩斯未必搏盡踢晒，況且今場係佢哋捧盃後首次喺奧脫福出賽，Party氣氛更加濃厚，戰意靠唔住。

　　曼聯王牌尹佩斯打破入球荒後近4戰喪入6球，明顯已重拾狀態，而車士亦都要為下屆歐聯席位而戰，睇埋雙方喺奧脫福交手往績，睇怕都係一場精「大」戰，無論係1。65倍入球大定係2。4倍半場大，都非常值得捧呀！