[太阳报]賀芬咸W食「塞」咁食[太阳报]賀芬咸W食「塞」咁食德甲榜首形勢开阔爽朗，但護級區域就唔係咁講喇，杜塞爾多夫、奧格斯堡同賀芬咸幾隊都喺降班漩渦彷徨，當中排喺尾二吊緊鹽水嘅賀芬咸，今晚喺主場同杜塞爾多夫合演護級大戰，卡爾萬睇好賀芬咸1.75倍主勝！其實由教頭巴布喺歇冬前食咗豉椒炒魷開始，接任嘅基拉馬教咗兩場又走咗，計埋啱啱被炒嘅馬古雅斯同接办呢個燙手山芋嘅基斯杜爾，賀芬咸今季未完已經有過4個教頭領過軍，班球員底子見慣不怪，唔使擔心會對佢哋形成影響。