莫，有一分落袋已足夠壓過拿玻里而封王。賽前祖雲達斯幾名主力包括保方、基亞連尼及馬治斯奧都講到明唔會死守，一定要順利擊敗巴。

　　遠在澳洲嘅迪比亞已在社交網站facebook發表預祝賀詞，球迷組織亦已作好準備，喺祖雲達斯球場開奪標派對。現時祖雲達斯可謂鬥志如虹，有力大炒巴莫。

　　祖雲達斯失落意大利盃及歐聯，故此對今季意甲特別重視。實在球隊喺歐聯輸畀拜仁之後，返回聯賽即大打爭氣波，取得三連勝兼不失球佳績，如今面對一支下游護級球隊巴莫，再加埋主場之利，三分應該冇難度。留意到今場門票已於一星期前售罄，祖記冇理由要球迷失望。

　　對手巴莫要護級，今場當然希望搶分。但礙於球員質素有限及作客賽績特別差，今場都幾難偷到雞。仲有對賽往績方面，巴莫近三次對祖雲達斯全敗兼冇入球，最近一次作客更輸到○比三，睇嚟巴莫今場只係去贈興，攞分機會唔高。