[东方日报]岐阜勇銳唔怕山雅[东方日报]岐阜勇銳唔怕山雅陣排緊尾三，嚟緊必場場搏盡搶分護級，呢班波近期狀態大勇，頻頻贏盤，今次受讓相當有利，「讓球客勝」絕對博得過。

　　FC岐阜位列日乙下游，但表現唔算太曳，即使作客都有能力搶分，佢哋近九場作客錄得七和兩負，係就係贏唔到，但都好少輸畀你喎，當中對手仲包括一哥甲府風林，反映呢班波戰鬥力唔弱。岐阜身處危險區域，冇得懶懶閒o架喇，大軍近四場聯賽兩勝兩和，場場贏盤，愈踢愈有信心，今次對住近五戰不敗嘅松本山雅確係唔易踢，絕對有力保持不敗，要「讓球客勝」！

　　同日巴甲賽事聖保羅主場對戈亞尼恩斯，聖保羅位列第四，但被榜首球隊富明尼斯大幅拋離，難望爭標。不過，呢班波主場出擊好鬼勁，近八場主場賽事錄得七勝一和，演出非常對辦，反觀戈亞尼恩斯近六次作客輸五場，完全唔掂，今場主勝穩陣，玩埋「讓球主勝」啦！另外，保地花高主場對華斯高，保地花高近七戰未贏過，當中四場冇士哥，明顯處於低潮，讓唔起對手，一於玩「讓球客勝」。