C组榜首德国今晚将作客对同组鱼腩法罗群岛，目前德国领先次席嘅瑞典五分，若然今晚赢波，而瑞典作客哈萨克未能全取三分，德国将有机会提前出线，德国今晚赢面高唱入云，但近期集中火力喺保持控球同不失球嗰度，领先咗唔急于争取更多入球，「让球主客和」让三球，「让球客胜」又冇分头，冇乜投！

　　德军上仗主场赢奥地利三比○，成绩令各方面收货，尤其防线终于可以保持不失，领队夫喺今仗遇弱旅赛前仍然强调不失球嘅重要性，相信法罗群岛好难偷到鸡，不过主队有自知之明，失咗波都唔会空群而出，德军领先后亦会着重控球，唔係咁介意能否大胜。值得一提，德军老牌中锋高斯只要喺今场入波，即可打破名宿「轰炸机」梅拿嘅纪录，成为国队史上入波最多球员。史浩克04小将达斯拿将会取代马高列奥斯担任左中场位置。

　　法罗群岛出名鱼腩，全国人口只有5万，90年四月至加入欧洲足协，至今最大成就係喺当年年尾欧洲国盃外赛赢过奥地利1比0，不过该队近年集中防守，虽然输多赢少，但鲜有被大炒，近期作客瑞典、冰岛同哈萨克，两球止，佢哋过去曾三度与德军交锋，虽然三战全败，但最多只係输过0比3，今晚相信亦唔会输好多。