英冠今晚加開快車，兩支去季英超分子狼隊同保頓將會正面交鋒。保頓看守領隊占美菲臘斯話就話係「替工」，但佢一上任就大搞改革，唔少球員都對佢直豎拇指，士氣咁好造訪表現飄忽嘅狼隊有得鍊，受讓平半要下盤。

　　保頓早排炒咗奧雲高尼，尋日有消息講會方已經差唔多撬得掂水晶宮領隊費曼，雙方好有機會簽訂3年合約。不過亨格比利就覺得班高層應該睇定啲先，事關占美菲臘斯同李森美拍住做「替工」好似幾對辦，佢兩個一揸旗就制訂咗套新嘅操練方法，隊長奇雲戴維斯都話掂檔，強調一班手足呢排都Train到弗晒，仲話士氣同信心都前所未有咁好。至於開季畀奧雲高尼打入冷宮嘅前鋒阿科比、左翼馬田柏杜夫同守將添列姆，佢老人上仗首度領軍即刻有貨交，落後緊布里斯托城兩粒都可以入番3粒反勝。

　　主場嘅狼隊陣排第5，由艾賓斯比歷克夥拍奇雲杜里合組箭頭喺英冠絕對夠照，偏偏呢班波好興贏形勢失分，月頭對水晶宮係咁，上仗明明撳住哈特斯菲爾德嚟砌又係輸波收場，至弊係對上5次主場鬥保頓輸足4次，往績冇乜優勢寧願捧當頭起嘅保頓好過。千术免费教学，